وزیراعظم عمران خان کی پی ایس ایل کے کامیاب انعقاد پر منتظمین کو مبارکباد

اسلام آباد: وزیراعظم عمران خان نے پاکستان سپر لیگ کے چوتھے ایڈیشن کے کامیاب انعقاد پر منتظمین کو مبارکباد دی ہے۔

وزیراعظم عمران خان نے ایک مرتبہ پھر پی ایس ایل کے اگلے ایڈیشن کے کلی طور پر پاکستان میں انعقاد کے عزم کو دہرایا اور کہا کہ ایونٹ کے کامیاب انعقاد پر پاکستان کرکٹ بورڈ، تمام منتظمین اور سیکیورٹی فورسز کو مبارکباد پیش کرتا ہوں۔

Imran Khan

@ImranKhanPTI

Congratulations to PCB, all the organisers & security forces for holding a successful PSL extravaganza in Pakistan. Congratulations to Quetta Gladiators & their manager & my friend Viv Richards on their win. InshaAllah, the next PSL will be held entirely in Pakistan.

10.8K people are talking about this

وزیراعظم نے پی ایس ایل کی فاتح ٹیم کوئٹہ گلیڈی ایٹرز اور اس کی انتظامیہ کو بھی کامیابی پر مبارکباد پیش کی جب کہ انہوں نے کوئٹہ گلیڈی ایٹرز کے مینٹور سر ویوین رچرڈ کو مخاطب کرتے ہوئے کہا میرے دوست ویو رچرڈ کو بھی کامیابی پر مبارکباد دیتا ہوں۔

کوئٹہ گلیڈی ایٹرز نے نیشنل اسٹیڈیم کراچی میں کھیلے گئے فائنل میں پشاور زلمی کو 8 وکٹوں سے شکست دے کر پی ایس ایل 4 کا ٹائٹل اپنے نام کیا۔

وزیراعظم نے کہا کہ انشاءاللہ آئندہ پورا پی ایس ایل پاکستان میں ہوگا۔

یاد رہے کہ پی ایس ایل 4 کے فائنل سمیت 8 میچز پاکستان میں اور 26 میچز متحدہ عرب امارات میں کھیلے گئے ہیں۔

2019-03-18

اپنا تبصرہ بھیجیں