ڈونلڈ ٹرمپ پر2 ملین ڈالر کا جرمانہ عائد

نیویارک میں صدر ٹرمپ کی جانب سے اٹارنی جنرل کے ذریعے خیراتی فنڈز کے ذاتی استعمال کا اعتراف بھی کیا تھا جس پر جج سالیئن اسکارپُلا نے صدر پر 2 ملین ڈالر کا جرمانہ عائد کردیا۔

نیویارک کی عدالت میں ٹرمپ کے خیراتی ادارے کے فنڈز کے غلط استعمال کیخلاف دائر درخواستوں پر سماعت ہوئی، جس کے بعد ٹرمپ پر2 ملین ڈالر کا جرمانہ عائد کر دیا گیا تھا. جج نے اپنے فیصلے میں لکھا کہ صدر ٹرمپ نے اپنے اعترافی میں بیان میں صدارتی انتخابات کے دوران اپنی مہم چلانے والی ٹیم کو اپنے ہی خیراتی ادارے ٹرمپ فاؤنڈیشن کے ذریعے فنڈز اکٹھا کرنے کی ہدایت کی تھی جس کا غلط استعمال کیا گیا تاہم صدر ٹرمپ نے نہ تو اس پر معذرت کی اور نہ ہی اس عمل کو غیر قانونی سمجھا۔ امریکی صدر کے وکلاء اور اٹارنی جنرل کے درمیان ٹرمپ فاؤنڈیشن کو تحلیل کرکے اس کے 1.7 ملین ڈالر فنڈز کو 8 غیر منافع بخش اداروں میں تقسیم کرنے پر اتفاق ہوگیا ہے.

قبل ازیں ٹرمپ نے کسی بھی ’سیٹلمینٹ‘ سے انکار کردیا تھا۔ دوسری جانب صدر ٹرمپ نے عدالتی فیصلے پر ناراضی کا اظہار کرتے ہوئے کہا ہے کہ میں امریکا کا واحد شخص ہوں جو نیویارک میں سب سے زیادہ امدادی کام کرتا ہے، میں نے چیئریٹی میں 19 ملین ڈالر خرچ کیے ہیں، یہ سیاسی انتقام ہے جس کا سلسلہ 4 سال سے جاری ہے۔

اپنا تبصرہ بھیجیں