سپریم کورٹ نے پنجاب کے سکولوں میں عربی مضمون لازمی پڑھانے کے خلاف شریعت کورٹ کا فیصلہ کالعدم قرار

اسلام آباد (نیوز ڈیسک)سپریم کورٹ میں پنجاب میں عربی مضمون پڑھانے کے خلاف شریعت کورٹ کا فیصلہ کالعدم قرار دیدیا۔بدھ کو سپریم کورٹ میں جسٹس مشیر عالم کی سربراہی میں 2 رکنی بینچ نے پنجاب مں عربی مضمون لازمی پڑھانے کے شریعت کورٹ کے فیصلے کے خلاف پنجاب حکومت کی اپیل پر سماعت کی۔پنجاب حکومت کے وکیل قاسم چوہان نے عدالت میں مؤقف اپنایا کہ شریعت کورٹ کو فیصلے کا اختیار نہیں تھا ٗمعاملات اور عبادات میں فرق ہے ٗ عبادات کا نفاذ ہوسکتا ہے تاہم معاملات کا نفاذ سختی سے نہیں ہوسکتا۔عدالت نے پنجاب حکومت کے وکیل کے دلائل سننے کے بعد صوبائی حکومت کی اپیل منظور کرتے ہوئے اسکولوں میں عربی مضمون لازمی پڑھانے کے خلاف شریعت کورٹ کا فیصلہ کالعدم قرار دیدیا۔

شریف خاندان کی سزائیں معطل ہونے کے بارے میں عمران خان کو آگاہ کر دیا گیا، مزید جانیئے وزیراعظم کا ردعمل

اسلام آباد(مانیٹرنگ ڈیسک)پاکستان تحریک انصاف کے رہنما اور وزیراعظم عمران خان کے معاون خصوصی نعیم الحق نے کہا ہے کہ سابق وزیراعظم نواز شریف ، مریم نواز اور کیپٹن صفدرکی سزائیں معطل ہونے کے بارے میں عدالتی حکم سے وزیراعظم عمران خان کو آگاہ کردیا گیا ہے ۔ذرائع کے مطابق عمران خان نے نواز شریف کی سزا معطلی سے متعلق اسلام آباد ہائیکورٹ کے فیصلے کی خبر پر کوئی ردعمل نہیں دیا ۔ نعیم الحق کا کہنا تھا کہ ایون فیلڈ ریفرنس فیصلے میں سزاؤں کے خلاف اپیل میں نیب کا کیس مضبوط دکھائی نہیں دے رہا تھااور لگ رہا تھا کہ نیب نے کیس کی تیاری صحیح طریقے سے نہیں کی لیکن نیب ایک آزاد ادارہ ہے تمام معاملات کو قانون کے مطابق لے کر چلیں گے ۔

نئے پاکستان کا نعرہ لگانے والوں نے عوام کی جیبوں پر ڈاکے ڈالنا شروع کر دیئے, عمران خان پر شدید تنقید

اسلام آباد(آن لائن)پاکستان پیپلزپارٹی کے ترجمان اور سینیٹر مصطفی نواز کھوکھر نے کہا ہے کہ نئے پاکستان کا نعرہ لگانے والوں نے عوام کی جیبوں پر ڈاکے ڈالنا شروع کر دیئے،گیس کی قیمتوں میں اضافہ مہنگائی کے ستائے عوام کا جینا اجیرن کرنے کے مترادف ہے، عمران خان تو وہ ہیں جو کہتے تھے کہ ان کے آتے معیشت خود بخود ٹھیک ہو جائے گی۔ان خیالات کا اظہار انہوں نے گزشتہ روز کیا۔ترجمان بلاول بھٹو نے مزید کہا کہ خان صاحب نے گیس کی قیمت بڑھا دی اور کھربوں روپے کے ٹیکسز لگانے جا رہے ہیں، وزیراعظم کو معاملات سمجھ نہیں آ رہے تو اپنی پرانی تقاریر سے رہنمائی کیوں نہیں لیتے،ابھی تو ایک ماہ ہوا ہے تو عوام حکومتی اقدامات سے عاجز آنا شروع ہو گئے ہیں،عمران خان کی سیاست نے قوم کو تقسیم کرنا شروع کر دیا ہے۔انہوں نے مزید کہا کہ وزیراعظم اپنی باتوں سے مسلسل اٹھارویں ترمیم اور صوبائی خودمختاری کی خلاف وزریاں کر رہے ہیں، پی پی پی حکومت کے عوام دشمن اور وفاق گریز اقدامات کی ہر فورم ہر مزاحمت کرے گی۔

رہنما پیپلزپارٹی شرجیل میمن شراب برآمدگی کیس میں شریک ملزم قرار

کراچی(آن لائن)سابق صوبائی وزیر اور پیپلزپارٹی کے رہنما شرجیل میمن کو شراب برآمدگی کیس میں شریک ملزم قرار دے دیا گیا۔ کراچی کی سٹی کورٹ میں ضیاالدین اسپتال میں شرجیل میمن کے کمرے سے شراب برآمدگی کیس کی سماعت ہوئی۔ تفتیشی افسر نے کیس سے متعلق چالان پیش کیا۔ چالان میں انکشاف ہوا ہے کہ شرجیل میمن کے کمرے کی تلاشی کے دوران 3 بوتلیں ملی تھیں جن میں سے ایک بوتل میں 2 انچ شراب موجود تھی۔چالان میں بتایا گیا ہے کہ شرجیل انعام میمن ضیاالدین اسپتال کے وی آئی پی کمرے میں زیرعلاج تھے، یکم اگست کو معلوم ہوا کہ کمرہ میں غیر قانونی حرکات ہورہی ہیں اور سی سی ٹی وی کے مطابق نامزد ملزمان کی مشکوک سرگرمیاں نظرآئیں۔ملزمان شکردین، مشتاق علی اور محمد جام نے برآمد مال میں ردو بدل کا اعتراف کیا۔ ملزم شکردین نے اعتراف کیا کہ شراب کی بوتلیں میں نے ڈسٹ بن میں پھینکیں، ایک بند اور ایک کھلا ہوا سگریٹ کا پیکٹ برآمد ہوا، سی سی ٹی وی کے مطابق ملزمان نے برآمد مالِ میں ردو بدل کیا اور جان بوجھ کر شہادتیں ضائع کیں۔

حکومت کا راولپنڈی کے سیوریج میں پولیو وائرس کی موجودگی کا اعتراف،یہ وائرس یہاں تک کیسے پہنچا

اسلام آباد( آن لائن ) حکومت نے قومی اسمبلی میں تسلیم کیا ہے کہ راولپنڈی کے سیوریج میں پولیو کا وائرس موجود ہے جس کے خاتمہ کیلئے سخت اقدامات کئے جارہے ہیں ، وزیر صحت عامر کیانی نے قومی اسمبلی میں اظہار خیال کرتے ہوئے کہا کہ راولپنڈی کے سیوریج کے پانی میں پولیو وائرس کی نشاندہی ہوئی ہے یہ وائرس افغان مہاجرین کی شہر میں موجودگی کی وجہ سے ہے ۔راولپنڈی میں وائرس کے کنٹرول کے لئے اقدامات ہنگامی بنیادوں پر اٹھائے گئے ہیں ۔پاکستان میں ماضی میں پولیو کے 330 کیسز تھے جو کہ کم ہوکر 3 کیسز رہ گئے ہیں ۔ جبکہ پولیو کا ایک کیس بلوچستان میں بھی سامنے آیا ہے ۔انہوں نے کہاکہ اگلے چند سالوں میں پاکستان کو پولیو فری ملک بنائیں گے ۔

شہید بینظیر کے اثاثوں کی تفصیلات مانگنا انکی قبر کا ٹرائل ہو گا

اسلام آباد (نیوز ڈیسک)سابق صدر آصف علی زرداری نے 29اگست کے فیصلے کے خلاف سپریم کورٹ میں نظرثانی اپیل دائر کر دی،  منگل کو آصف زرداری نے سپریم کورٹ کے 29 اگست فیصلے کے خلاف نظرثانی اپیل دائر کر دی، سپریم کورٹ نے آصف زرداری کی اپیل 25ستمبر کو سماعت کیلئے مقرر کر دی، عدالت نے این آر او کیس میں فریقین اور ان کے بیوی بچوں کی تفصیلات مانگی تھیں، درخواست میں موقف اپنایا گیا شہید بے نظیر بھٹو کے اثاثوں کی تفصیلات مانگنا ان کی قبر کے ٹرائل کے مترادف ہے۔آصف علی زرداری نے موقف اپنایا کہ بچوں کی بھی ایک عشرے کے اثاثوں کی تفصیلات طلب کی جا سکتی ہیں، انکم ٹیکس کے قانون کے مطابق پانچ سال تک کی تفصیلات طلب کی جا سکتی ہیں، الیکشن کمیشن میں بھی اثاثوں کی ایک سال کی تفصیلات طلب کی جاتی ہیں، امیدوار اس کی اہلیہ اور زیر سرپرستی بچوں کی تفصیلات پوچھی جاتی ہیں، کیا مرحوم اہلیہ کے اثاثوں کی تفصیلات طلب کرنا ان کی قبر کا ٹرائل نہیں؟  29 اگست کا اثاثوں کی تفصیلات فراہم کرنے کا حکم آئین کی شق 13کی خلاف ورزی ہے۔

ایک وزیر کی سکیورٹی پر کانسٹیبل تعینات کرنیکا حکمنامہ جاری کردیاگیا

لاہور (این این آئی) پنجاب میں ایک صوبائی وزیر کی سکیورٹی پر صرف 2کانسٹیبل تعینات کرنے کا فیصلہ کر لیا گیا ۔ ذرائع کے مطابق انسپکٹر جنرل پولیس پنجاب محمد طاہر نے 35 صوبائی وزراء کو 70 کانسٹیبل دینے کا فیصلہ کیا ہے۔ وزراء کو ان کے آبائی علاقوں سے کانسٹیبل دیئے جائیں گے۔ایک صوبائی وزیر کی سکیورٹی پر صرف 2 کانسٹیبل تعینات ہوں گے ،وزراء کے ساتھ سکواڈ کی گاڑی بھی نہیں چلے گی۔ اس حوالے سے تمام ڈی پی اوز اور آر پی اوز کو ہدایات جاری کر دی گئی

عمران خان نے کالا باغ ڈیم بنانے کی بات نہیں کی بلکہ, مزید جانیئے

کراچی(آن لائن)تحریک انصاف کے سندھ اسمبلی میں پارلیمانی لیڈرحلیم عادل شیخ نے کہا ہے کہ وزیراعظم نے کالا باغ ڈیم بنانے کی بات نہیں کی، حلیم عادل شیخ نے میڈیا سے گفتگو کرتے ہوئے کہا کہ وزیراعظم نے کل کالا باغ ڈیم بنانے کی بات نہیں کی، دیامر بھاشا ڈیم بنارہے ہیں،افغانیوں اور بنگالیوں کو شناخت دینے پر اعتراض کے حوالے سے انہوں نے کہا کہ سندھ حکومت میں موجود لوگ افغان مہاجرین اور بنگالیوں کو پہلے نکال دیتے،جو یہاں پیدا ہوا ہے اسے نیشنلٹی ملنی چاہیے، حلیم عادل شیخ نے کہا کہ اندرون سندھ میں صحافیوں کے خلاف کارروائیوں کی مذمت کرتے ہیں، سندھ حکومت صحافیوں کو نہیں چھوڑ رہی یہ ہمیں کہاں چھوڑینگے۔

علامہ اقبال کے پوتے اور تحریک انصاف کے رہنما ولید اقبال کو کابینہ میں شامل کر لیا

اسلام آباد (مانیٹرنگ ڈیسک) ولید اقبال کو وزیراعظم عمران خان کا مشیر برائے سیاسی امور بنانے کا فیصلہ ، آئندہ دو سے تین روز میں باقاعدہ نوٹیفکیشن جاری کر دیا جائیگا۔ نجی ٹی وی رپورٹ کے مطابق پاکستان تحریک انصاف کے ولید اقبال کو وزیراعظم کا مشیر برائے سیاسی امور بنانے کا فیصلہ کیا گیا ہے، آئند دو سے تین روز تک باقاعدہ نوٹیفکیشن جاری کر دیا جائیگا۔این اے 131 سے ٹکٹ کے خواہشمند اور پی ٹی آئی کے نظریاتی کارکن ولید اقبال کو پارٹی وابستگی کی وجہ سے وزیراعظم کا مشیر برائے سیاسی امور بنانے کا فیصلہ کیا گیا ہے۔ ذرائع کے مطابق ولید اقبال کو نعیم الحق اور عون چوہدری سمیت دیگر رہنماؤں کی جانب سے رابطہ کر کے پارٹی فیصلے کے متعلق آگاہ بھی کر دیا گیا۔ ولید اقبال عام انتخابات اور ضمی انتخاب میں بھی این اے 131 کا الیکشن لڑنے کے لئے تیار تھے۔

حضرت بابا فرید الدین مسعود گنج شکر کے عرس کے موقع پر ناخوشگوار واقعہ

پاکپتن (این این آئی)پاکپتن میں حضرت بابا فرید الدین مسعود گنج شکر کے عرس کے موقع پر زائرین کی دھکم پیل سے 16 افراد زخمی ہوگئے۔ تفصیلات کے مطابق عظیم صوفی بزرگ حضرت بابا فرید الدین مسعود گنج شکر کے سات سو چہترویں عرس کے موقع پر بہشتی دروازہ کھلتے ہی زائرین کی دھکم پیل سے سولہ افراد زخمی ہوگئے۔ پولیس کی جانب سے زائرین پر لاٹھی چارج کیا گیا جس سے بھگڈر مچ گئی ٗاس دوران سکیورٹی گیٹ بھی ٹوٹ گئے جس کے باعث سولہ افراد زخمی ہوگئے جن کو فوری طور پر ہسپتال منتقل کر دیا گیا۔ ہسپتال انتظامیہ کے مطابق تمام زخمیوں کی حالت خطرے سے باہر ہے۔