اشتہارات

سرفراز کو کپتانی سے ہٹانے کیلئے سابق و موجودہ کرکٹرز متحرک

site_admin

پاکستان کرکٹ میں حالیہ پیش رفت کے بعد شائقین کرکٹ میں یہ سوال شدت سے سامنے آنے آرہا ہے کہ ورلڈ کپ میں پاکستان ٹیم کی قیادت کون کرے گا؟ ایسے میں سرفراز احمد کو قیادت سے ہٹوانے کے لیے قوتیں متحرک ہوگئی ہیں۔

پاکستان کرکٹ ٹیم کے کپتان کی حیثیت سے سرفراز احمد کے مستقبل کا فیصلہ پاکستان کرکٹ بورڈ کے چیئرمین احسان مانی کو کرنا ہے۔

جنوبی افریقا کے خلاف سیریز کے بقیہ چار میچوں کی کارکردگی اور شعیب ملک کی انفرادی کارکردگی سے یہ فیصلہ ہو گا کہ آسٹریلیا اور انگلینڈ کے خلاف ون ڈے سیریز اور مئی میں ہونے والے ورلڈکپ میں پاکستان کی قیادت کون کرے گا۔

پی سی بی میں کپتان کی تقرری چیئرمین پی سی بی کا استحقاق ہے۔

پاکستان کرکٹ ٹیم کے کپتان سرفراز احمد پر لگنے والی پابندی اور چوتھے ون ڈے میں پاکستانی کرکٹ ٹیم کی باآسانی جیت کے بعد سرفراز کو کپتانی سے ہٹانے اور ٹیم سے ڈراپ کرنے کے لیے سابق اور موجودہ کرکٹرز متحرک ہو گئے ہیں۔

کپتان کو تبدیل کرکے شعیب ملک کو ورلڈ کپ تک کپتان بنانے کی قیاس آرائیاں اس لیے زور پکڑ رہی ہیں کیوں کہ پی سی بی نے ابھی تک ورلڈ کپ کے لیے کپتان مقرر نہیں کیا ہے۔

ہیڈ کوچ مکی آرتھر اور چیف سلیکٹر انضمام الحق چاہتے ہیں کہ ورلڈ کپ میں سرفراز احمد ہی پاکستان کی کپتانی کریں جب کہ پی سی بی اس حساس معاملے پر کوئی تبصرہ کرنے سے گریز کررہا ہے۔

پی سی بی ذرائع کا کہنا ہے کہ کپتان کی تقرری سیریز بائی سیریز ہوتی ہے، آسٹریلیا کی سیریز سے قبل کپتان کا تقرر کرنے سے قبل مکی آرتھر، انضمام الحق، بورڈ آف گورنرز اور پی سی بی کرکٹ کمیٹی سے مشاروت کی جائے گی۔

سرفراز احمد نے 22 جنوری کو پاکستان اور جنوبی افریقا کے درمیان ڈربن میں کھیلے گئے دوسرے ون ڈے انٹرنیشنل میچ میں جنوبی افریقی بیٹسمین اینڈی فیلوک وائیو کو مخاطب کرتے ہوئے اردو میں فقرہ کسا تھا جو آئی سی سی کے نسلی تعصب سے متعلق قوانین کی خلاف ورزی کے زمرے میں آتا ہے۔

انٹرنیشنل کرکٹ کونسل نے پاکستان ٹیم کے کپتان سرفراز احمد پر نسلی تعصب سے متعلق قانون کی خلاف ورزی پر چار میچوں کی پابندی عائد کر دی ہے۔

اس فیصلے کی رو سے سرفراز احمد جنوبی افریقا کے خلاف آخری دو ون ڈے انٹرنیشنل اور پہلے دو ٹی ٹوئنٹی انٹرنیشنل میچ نہیں کھیل سکیں گے۔

پی سی بی نے سرفراز احمد کو وطن واپس طلب کرکے کپتانی سینیئر بلے باز شعیب ملک کو سونپ دی ہے۔

چوتھے ون ڈے کے دوران جنوبی افریقا کے سابق کپتان گریم اسمتھ بھی شعیب ملک کی جارحانہ کپتانی کی تعریف کرتے رہے۔

گریم اسمتھ کا کہنا تھا کہ سر فراز احمد کے مقابلے میں شعیب ملک زیادہ متحرک دکھائی دے رہے ہیں، ان کی فیلڈنگ اور بولنگ تبدیلی فرق پیدا کر رہی ہے۔

سرفراز احمد پر لگنے والی پابندی کے بعد انہیں کپتانی سے ہٹانے کے لیے لابنگ میں تیزی آگئی ہے۔

سرفراز احمد کے پرانے دوست اور ٹیسٹ فاسٹ بولر وہاب ریاض نے سوشل میڈیا پر پاکستانی کرکٹ ٹیم کی کارکردگی پر مبارک باد دی ہے اور شعیب ملک کی قائدانہ صلاحیتوں کی تعریف کی۔

Wahab Riaz

@WahabViki

Overall impressive play today. Congratulations to @realshoaibmalik and team on the win!

227 people are talking about this

اسپاٹ فکسنگ میں سزا یافتہ سابق کپتان سلمان بٹ کا کہنا ہے کہ شعیب ملک تجربہ کار کھلاڑی ہیں، کپتانی کی جگہ پُر کرنے کے لیے شعیب ملک بہترین چوائس ہیں۔

Atiq-uz-Zaman

@Atiq160Test

Well done to @SSGC_Cricket own @Usmanshinwari6 for an excellent match winning performance and congrats @TheRealPCB for leveling the series

Salman Butt

@im_SalmanButt

What about Shoaib bhai he led well didnt he ? Also ssgc player ?

28 people are talking about this

جوہانسبرگ میں چوتھے ون ڈے انٹر نیشنل کے دوران فاسٹ بولر محمد عامر بھی غیر معمولی جان لڑاتے ہوئے دکھائی دیئے جب کہ کچھ اور کرکٹرز کی بھی باڈی لینگویج تبدیل دکھائی دی۔

پاکستان کرکٹ ٹیم کی 8 وکٹ سے جیت کے بعد سوشل میڈیا پر بھی شعیب ملک کو کپتان بنوانے کی مہم میں تیزی آ گئی، ایسے میں گیند اب احسان مانی کے کورٹ میں ہے۔

SirDonBradman@BradmanSir

If Sarfraz has some dignity and grace left in him then he should amicably retire from one day cricket and pass on captaincy to Malik for the WC and later to Babar afterwards

See SirDonBradman’s other Tweets

تحقیق کے مطابق پاکستانی کرکٹ ٹیم نے سرفراز احمد کی قیادت میں 35 ون ڈے انٹر نیشنل میچ کھیلے ہیں جن میں سے 21 جیتے اور 13 ہارے۔

سرفراز کی کپتانی میں جیت کا پاکستان کرکٹ ٹیم کا جیت کا تناسب 61 فیصد ہے۔

سرفراز احمد کی قیادت میں پاکستان ٹیم ٹی ٹوئنٹی میں نمبر ایک ہے۔

ٹی ٹوئنٹی میں پاکستان نے 33 میں سے 29میچ جیتے ہیں جبکہ صرف چار میچوں میں پاکستان ٹیم کو شکست ہوئی ہے۔ محدود اوور کی کرکٹ میں سرفراز کی جیت کا تناسب87.87 فیصد ہے۔

خیال رہے کہ پاکستان کرکٹ میں کپتانوں کی اچانک تبدیلی کوئی نئی بات نہیں ہے، ماضی میں بھی ایسا ہوتا رہا ہے۔

دیگر متعلقہ خبریں

اشتہارات